Bu ərazilər azad olundu - Ukrayna ordusu Xersonda irəliləyir

Ukraynalı müdafiəçilər Xerson istiqamətində 12 yaşayış məntəqəsini azad ediblər.

Teleqraf.com-un məlumatına görə, Ukrayna Silahlı Qüvvələrinin Baş Qərargahı öz "Facebook" səhifəsində bildirib ki, Müdafiə Qüvvələri Ukrayna torpaqlarını azad etməkdə davam edir.

“Qoşunlarımızın Xerson istiqamətində apardığı uğurlu hücum əməliyyatları zamanı 12 yaşayış məntəqəsi - Dudçanı, Pyatixatki, Borozenskoye, Sad, Bezvodnoye, İşçenko, Kostromka, Krasnolyubetsk, Kalinovskoye, Bobrovıyan Kut azad edilib”, - qeyd edilib.

Əlavə olunur ki, göstərilən istiqamətdə hücum əməliyyatları davam edir: “Əməliyyatın təhlükəsizliyi baxımından nəticələrin rəsmi dərci daha sonra olacaq”.