Rus ordusuna məxsus mühüm obyektlər məhv edildi

Ukrayna Müdafiə Qüvvələrinin aviasiyası rusların toplaşdığı əraziləri bombalayıb.

Teleqraf.com xəbər verir ki, bu barədə Ukrayna tərəfi elan edib.

"Ukrayna Müdafiə Qüvvələrinin aviasiyası son 24 saat ərzində işğalçıların şəxsi heyətinin və hərbi texnikasının cəmləşdiyi ərazilərə 13, həmçinin zenit-raket kompleksinin mövqeyinə bir zərbə endirib", - Baş Qərargahdan bildirib.

Bu arada, raket və artilleriya bölmələri düşmənin 4 canlı qüvvəsinin cəmləşdiyi rayona, atəş mövqeyində olan artilleriya bölməsinə, 2 zenit-raket kompleksinə, bir sursat anbarına, eləcə də işğalçıların 2 digər mühüm obyektinə zərbələr endirib.