Özünütəcrid şəraitində inkişaf mümkün deyil - Ruhani

Teleqraf.com-un İRNA-ya istinadən məlumatına görə, bu fikirləri İran prezidenti Həsən Ruhani səsləndirib. O, öz fikirlərini ölkə iqtisadiyyatına həsr olunmuş birinci konfransın açılışı zamanı dilə gətirib.

Ruhani bildirib ki, heç bir ölkənin təcridolunma şəraitində davamlı inkişafı mümkün deyil. İran prezidenti vurğulayıb ki, hazırda gerçəkləşdirilən nüvə danışıqları Tehranla beynəlxalq vasitəçilərin “altılığı” (ABŞ, Böyük Britaniya, Rusiya, Fransa, Almaniya, Çin) arasında “körpü” qurulmasına yönəlib.

Xatırladaq ki, bir müddət öncə İran və “altılıq” arasında danışıqları 2015-ci il iyulun 1-dək davam etdirmək barədə razılaşma əldə olunub.