Ukraynalı pilotlar F-16 üçün hazırlanacaq

NATO ölkələri ukraynalı pilotların F-16 üçün hazırlanması planını təsdiqləyib.

Teleqraf.com xəbər verir ki, bunu NATO-nun Baş katibi Yens Stoltenberq Vilnüsdə keçirilən sammitin birinci gününün yekunları ilə əlaqədar təşkil olunan mətbuat konfransında söyləyib.

Onun sözlərinə görə, indi əsas məsələ Ukraynanın silah və sursat tədarükünə zəmanət verməklə onun bu müharibədə qalib gəlməsi üçün bütün lazım olanı etməkdir. Ukrayna demokratik və müstəqil ölkə kimi qalmasa, təhlükəsizlik zəmanətini müzakirə etmək və ya NATO-ya üzv olmaq üçün heç bir əsas olmayacaq.