Ukrayna ordusundan iki istiqamətdə hücum - Yeni mövqelər ələ keçirildi

Son sutka ərzində Rusiya qüvvələrinin əsas səylərinin yönəldiyi Kupyan, Liman, Baxmut, Avdiv və Marin istiqamətlərində 29 toqquşma baş verib. Hazırda bu ərazilərdə şiddətli döyüşlər davam edir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Eyni zamanda, Ukrayna Müdafiə Qüvvələri Melitopol və Berdyan istiqamətlərində hücum əməliyyatını davam etdirir, azad edilən mövqelərdə möhkəmlənir. Ukraynalılar Kupyanda müdafiəni gücləndiriblər.

Ruslar Liman istiqamətində Veseli rayonunda uğursuz hücum əməliyyatları keçirib.

Ukrayna ordusu Baxmut istiqamətində güclü aviasiya və artilleriya atəşləri altında Xrıxorovkada və Orixovo-Vasilivkanın şərqində Rusiya qüvvələrinin hücumlarını uğurla dəf ediblər.

Avdiv və Marin istiqamətlərində də rusların bütün hücumları Ukrayna qoşunları tərəfindən dayandırılıb.

Rusiya ordusu Şaxtyor istiqamətində Blaqodatnıda uğursuz hücum əməliyyatı keçirib. Odradnı, Storojevo, Rivnopol və Makarivkaya hava zərbələri endirilib.

Ruslar Zaporoje və Xerson istiqamətlərində müdafiəni davam etdirirlər.