Lukaşenko Aİ-ni tənqid etdi - "Qarşıdurmadan əl çəkin"

Belarus prezidenti Lukaşenko Avropa İttifaqını qarşıdurmadan əl çəkməyə çağırıb.

Teleqraf.com xarici KİV-ə istinadən xəbər verir ki, Belarus Prezidenti Aleksandr Lukaşenko Avropa siyasətini dar fikirli adlandırıb.

“Son onilliklər ərzində ölkələrimiz ikitərəfli əməkdaşlığı, xüsusilə ticarət-iqtisadi və humanitar sahələrdə fəal şəkildə genişləndirir ki, bu da təbii, hər iki xalqın rifahına və inkişafına töhfə verib. Təəssüflər olsun ki, Avropa İttifaqının Belarusa qarşı dar fikirli siyasəti ucbatından indi bizim aramızdakı münasibətlər çətin dönəmdən keçir”, - Lukaşenko bildirib.

O, Belçikanı və ümumilikdə Avropa institutlarını bölgədəki sülh naminə qarşıdurma siyasətindən əl çəkməyə çağırıb.