Öldüyü iddia olunmuşdu – Putinlə görüşdü

Rusiya Prezidenti Vladimir Putin Çeçenistan rəhbəri Ramzan Kadırovla görüşüb.

Teleqraf.com xəbər verir ki, Rusiya lideri respublika rəhbərinin və komandasının regionun dinamik inkişafına şəxsi töhfəsini müsbət qiymətləndirib.

Putin cəbhə xəttində vuruşan çeçen döyüşçülərinə ən xoş arzularını çatdırıb.

“Bilirəm ki, siz şəxsən həmişə bu məsələlərlə, o cümlədən cəbhədə döyüşən, inamla, cəsarətlə, qəhrəmancasına döyüşən oğlanlarımızın ailələrinə dəstəklə məşğulsunuz”, - Rusiya prezidenti bildirib.

Ötən günlərdə sosial şəbəkələrdə Çeçenistan liderinin ölməsi və ya səhhətinin ağır olması ilə bağlı məlumat yayılmışdı.