Döyüşlər şiddətləndi - Rus ordusu 14 istiqamətdə hücuma keçdi

Ötən gün cəbhədə şiddətli döyüşlər davam edib. Rusiya hücumlarının sayını artırıb, sutka ərzində 108 toqquşma baş verib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrayna ordusu Kupyan istiqamətində Sinkivka və İvanivka yaşayış məntəqələri ərazilərində rusların 30-dan çox hücumunu dəf edib. Makivka və Dibrovaya hücumlarını davam etdirən Rusiya qoşunları bu istiqamətlərdə Ukrayna ordusunun güclü müqaviməti ilə üzləşib.

Rusların Klişçivka və Andrivka istiqamətlərindəki hücumları da dayandırılıb.

Eyni zamanda, Ukrayna müdafiə qüvvələri Baxmutun cənubunda hücum əməliyyatlarını davam etdirir, Klişçivka və Andrivkanın şərqində yerləşən ərazilərdə uğurlu nəticələr var.

Ukrayna qoşunları Avdivka, Tonenko, Keramik və Pervomaysk istiqamətlərində rusların bütün hücumlarını dəf edib, mövqelərin itirilməsinin qarşısını alıb. Ötən gün ərzində Marin və Krasnoqorivka rayonlarında Rusiyanın 10-dan çox hücumunun qarşısı alınıb.

Rusiyanın Şaxtyor istiqamətində Zolota Niva və Volodynoy yaxınlığındakı hücumları da uğursuzluqla nəticələnib.