Afrika ölkələrində karikaturaçılara etirazlar - Fransanın bayrağı yandırıldı

17 Yanvar 2015 07:02

828

Parisdə nəşr olunan jurnalda peyğəmbərin karikaturasının dərc edilməsi ilə əlaqədar Fransanın keçmiş koloniyası olan bir sıra ölkələrdə kütləvi etirazlar keçirilib. Seneqalda jurnalında Məhəmməd peyğəmbərin karikaturalarının dərc edilməsinə qarşı aksiyada etirazçılar Fransanın bayrağını yandırıblar.

Teleqraf.com-un “Rosbalt”-a istinadən məlumatına görə, paytaxt Dakar şəhərinin mərkəzi məscidi yaxınlığında toplaşan etirazçılar Fransa səfirliyinə yürüş ediblər. Nümayişçiləri dağıtmaq üçün polis gözyaşardıcı qazdan istifadə etməli olub.

Qeyd edək ki, yanvarın 16-da Əlcəzairdə “Charlie Hebdo” və Fransa əleyhinə mitinq keçirilib, Nigerdə isə etirazçılar Fransanın mədəniyyət mərkəzinin binasını yandırıblar.

Müəllif: