İrana bağlı qruplaşma ABŞ bazasını vurdu

Silahlı qruplaşmalar ABŞ-ın İraqın Ənbar vilayətindəki hərbi bazasına hücum ediblər.

Teleqraf.com xəbər verir ki, bu barədə “İraq İslam Müqavimət” Hərəkatı məlumat yayıb.

Hücumun Qəzza zolağında baş verənlərə görə həyata keçirildiyi bildirilib.

Qruplaşma ABŞ-ın Ayn əl-Əsəd bazasına pilotsuz təyyarə ilə hücum etdiklərini, hədəfi vurduqlarını iddia edir.

“İslam Müqavimət” Hərəkatı İranın İraqda dəstəklədiyi terror qruplaşmalarını özündə birləşdirən təşkilatdır.