Tacikistanda təhlükəli durum: KTMT xəbərdarlıq etdi

KTMT Tacikistanın cənub sərhədləri yaxınlığında İŞİD terror təşkilatının yaraqlılarının sayının artdığını müşahidə edir.

Teleqraf.com xəbər verir ki, bunu sözügedən hərbi blokun Baş Qərargah rəisi, general-polkovnik Andrey Serdyukov (Rusiya) deyib.

“Mərkəzi Asiya regionunda sabitliyə əsas təhlükə İŞİD, “Əl-Qaidə” və digər beynəlxalq terror və ekstremist təşkilatlardan gəlir. Xüsusilə, Tacikistanın cənub sərhədi yaxınlığında İŞİD-in Əfqanıstan qolu “Xorasan Vilayəti” və Talibanın Pakistan qanadının yaraqlılarının sayında artım qeydə alınıb”, - general bildirib.