İranda terror aktı: 6 polis öldürüldü

Bu gün İranın cənub-şərqində yerləşən Sistan və Bəluçestan vilayətində magistral yolda terror aktı törədilib.

Teleqraf.com xəbər verir ki, terrorçular iki polis avtomobilinə hücum ediblər. Nəticədə 6 polis məmuru öldürülüb və bir neçə nəfər də yaralanıb.

Qeyd edilir ki, “Ceyş əl-Ədl” terror qruplaşması terror aktının məsuliyyətini üzərinə götürüb.

Xatırladaq ki, son günlər İranın Sistan və Bəluçestan vilayətində polis məmurları və hərbçilərin ölümü ilə nəticələnən ardıcıl bir neçə terror aktları baş verib.