Mahmud Abbas Türkiyə parlamentində çıxış edəcək

Fələstin lideri Mahmud Abbas Türkiyə parlamentində çıxış etmək niyyətindədir.

Teleqraf.com xəbər verir ki, bu barədə Fələstinin Ankaradakı səfiri Faed Mustafa bildirib.

Diplomatın sözlərinə görə, Fələstin lideri Türkiyə parlamentinin sədrindən parlamentdə çıxış etmək üçün rəsmi dəvət alıb. Hazırda diplomatik kanallar vasitəsilə Abbasın çıxış tarixinin müəyyənləşdirilməsi istiqamətində iş görülür.

Səfir Fələstinin hüquqlarının dəstəklənməsi və qorunmasında Türkiyənin mövqeyini yüksək qiymətləndirib.