Konqoda 15 mindən çox insan meymunçiçəyinə yoluxdu

Konqo Demokratik Respublikasında (KDR) bu il mpox (meymunçiçəyi) xəstəliyinə yoluxma hallarının sayı 15 mini keçib, 500-dən çox insan ölüb.

Teleqraf.com xarici mətbuata istinadən xəbər verir ki, bu barədə respublikanın səhiyyə naziri Samuel Roje Kamba bildirib.

“2024-cü ilin əvvəlindən bəri Konqo DR-də 15 664 mpox-a yoluxma hadisəsi və bu virusla bağlı 548 ölüm hadisəsi baş verib”, - o deyib.

Nazir əlavə edib ki, ölkənin 26 əyalətinin hamısında yoluxma qeydə alınıb.

Xatırladaq ki, avqustun 13-də Afrika İttifaqının Səhiyyə Xidməti mpox virusunun yayılması ilə əlaqədar qitədə sağlamlıqla bağlı fövqəladə vəziyyət elan edib. Daha sonra isə ÜST meymun çiçəyi xəstəliyinin yayılmasını fövqəladə hal adlandırıb.