Putin tapşırıq verib, ikinci cəbhə açılır - Zelenski

Rusiya lideri Vladimir Putin Slovakiya Baş naziri Robert Fitsoya öz ölkəsinin xalqının maraqları bahasına Ukraynaya qarşı ikinci enerji cəbhəsi açmağı tapşırıb.

Teleqraf.com xəbər verir ki, bunu Ukrayna Prezidenti Volodimir Zelenski deyib.

Dövlət başçısı Rusiyanın Ukraynanın elektrik stansiyaları və paylayıcı şəbəkəsinə hücumları fonunda qışda Ukraynaya elektrik enerjisinin verilişini kəsməklə bağlı Fitsonun hədələrini bu kontekstdə şərh edib.

“Ukraynanın elektrik enerjisi idxalına ehtiyacı yalnız Rusiyanın bizim Zaporoje AES-i işğal etməsi və Ukraynanın istilik və su elektrik enerjisi istehsalının əhəmiyyətli hissəsinin Rusiya raketləri və “Şahid”lər (İran PUA-ları) tərəfindən məqsədyönlü şəkildə məhv edilməsi səbəbindən yaranıb”, - Zelenski bildirib.