ABŞ təyyarənin vurulduğunu təsdiqlədi – Rusiyadan təpki gəldi

Kreml ABŞ-ın Aktauda baş verən təyyarə qəzası ilə bağlı bəyanatlarını şərh etmir.

Teleqraf.com xəbər verir ki, bunu Rusiya prezidentinin mətbuat katibi Dmitri Peskov deyib.

“Biz bu bəyanatları görmüşük, mən sizə Rusiyanın Federal Hava Nəqliyyatı Agentliyinin rəhbəri Dmitri Yadrovun dünənki açıqlamalarını xatırlatmaq istərdim. Araşdırmanın nəticəsini gözləyirik”, - Peskov bildirib.

Ağ Evin sözçüsü Con Kirbi bundan öncə söyləmişdi ki, ABŞ dekabrın 25-də "Azərbaycan Hava Yolları"na (AZAL) məxsus sərnişin təyyarəsinin Rusiya tərəfindən vurulmasından sonra qəzaya uğradığına dair ilkin işarələri müşahidə edib. ABŞ rəsmisi bununla bağlı əlavə məlumat verməyib. Amma Vaşinqtonun qəza ilə bağlı araşdırmaya kömək təklif etdiyini vurğulayıb.