Restoranda hesab davası: 7 yaralı

Türkiyədə müştərilərlə restoran işçiləri arasında kütləvi dava olub.

Teleqraf.com Türkiyə mətbuatına istinadən xəbər verir ki, hadisə Qaziosmanpaşada yerləşən bir restoranda baş verib.

Polisin məlumatına görə, müştərilər yeyib-içdikdən sonra hesabı istəyiblər. Ofisiantın gətirdiyi hesabın çox olduğunu deyən qonaqlar ilə işçilər arasında mübahisə yaranıb. Mübahisə qısa müddətdə silahlı-bıçaqlı davaya çevrilib.

Hadisə sonrası, Orxan Taştekin, Cövdət Şit, Veysi Atəş, Abdullah Dağdana, Rasim Oktar və adı müəyyən edilməyən 2 nəfər yaralanıb.

Polis hadisə ilə əlaqədar istintaqa başlayıb.

Rüstəm