“Əsəbi Quşlar” mübarizəyə başladı

Birləşmiş Millətlər Təşkilatının (BMT) baş katibi Pan Gi-Mun populyar mobil oyun olan “Əsəbi Quşlar”daki(Angry Birds) “Qırmızı” obrazını iqlim dəyişikliyi ilə mübarizə məsələsində BMT-nin fəxri səfiri təyin edib.

Teleqraf.com xarici KİV-ə istinadən xəbər verir ki, BMT iqlim dəyişikliyi ilə mübarizə planına populyar mobil oyun olan “Əsəbi Quşlar”ı daxil edib.

Bununla bağlı BMT Baş Qərargahında mərasim keçirilib. Mərasimdə çıxış edən Pan Gi-Mun bildirib ki, “Əsəbi Quşlar” milyonlarla insanı əyləndirib.

Oyundakı “Qırmızı” obrazə iqlim dəyişikliyi ilə mübarizə çərçivəsində 21 martdan başlayaraq virtual dünya turu keçirəcək.

Xüsusilə, uşaqlar və gənclər arasında populyar olan “Əsəbi Quşlar” oyununun iqlim dəyişikliyi ilə mübarizə kampaniyasında istifadə edilməsi uşaqlarda iqlim dəyişikliyinə dair müsbət təəssürat yaradıb.

İlhamə