Ərdoğandan Paşinyanla görüş mesajı – “Bu fürsətdən yaxşı istifadə et”

Türkiyə Prezidenti Rəcəb Tayyib Ərdoğan parlamentdə millət vəkilləri qarşısında çıxış edib.

Teleqraf.com xəbər verir ki, Prezident Ərdoğan çıxışında Ermənistan Baş naziri Nikol Paşinyanla görüşə biləcəyini açıqlayıb.

“Təyin etdiyimiz xüsusi nümayəndələr vasitəsilə Ermənistanla münasibətlərimizi yeni səviyyəyə qaldırmaq iradəmizi nümayiş etdirdik. Ola bilsin ki, Praqa sammitində Paşinyanla görüşək. Ermənistan ona verilən sülh fürsətindən yaxşı istifadə etməlidir”, - Türkiyə lideri bildirib.