Qafqaz Universitetinin diplomları tanınmayacaq? - AÇIQLAMA

Son zamanlar sosial şəbəkələrdə Qafqaz Universitetinin diplomlarının Azərbaycanda tanınmayacağı barədə məlumatlar yayılır.

Məsələ ilə bağlı Təhsil Nazirliyin mətbuat xidmətinin rəhbəri Cəsarət Valehov Teleqraf.com-a açıqlama verib.

Onun sözlərinə görə, Qafqaz Universitetinin diplomlarının tanınmaması barədə məsələ müzakirə olunmur: “Biz universitetin diplomlarının tanınmaması ilə bağlı hər hansı müzakirə aparmırıq. Bu barədə hər hansı şərh verə bilmərik”.

Qeyd edək ki, Türkiyənin Ali Təhsil Şurasının (YÖK) qərarına əsasən 2016-cı ilə qədər Qafqaz Universitetindən məzun olan və təhsilləri davam edən tələbələrin diplomları Türkiyə tərəfindən tanınmayacaq.

İlhamə ƏBÜLFƏT