TSQ rəsmən qələbəni elan etdi: Afrində son durum - Video/Yeni

Teleqraf.com xəbər verir ki, ASO bu gün səhər saatlarında Türkiyə Silahlı Qüvvələrinin apardığı "Zeytun budağı" əməliyyatı çərçivəsində Afrinin boşaldılan cənub-şərq ərazilərinə daxil olub.

Məqsəd PKK və YPG terrorçularının ərazidən tam təmizlənməsidir.

ASO Afrinə daxil olan zaman şəhərin mərkəzində güclü silah səsləri eşidilib.

Türkiyə Silahlı Qüvvələrinə məxsus təyyarələr də Afrin səmasından ASO-ya dəstək verir.

Türk Silahlı Qüvvələri (TSK) terrorçu YPG-nin işğalı altında olan Afrin şəhər mərkəzini nəzarətə aldığını Tvitter hesabından açıqlayıb.

Teleqraf.com xəbər verir ki, TSQ-nin açıqlamasında bunlar deyilir:

“Türk Silahlı Qüvvələri və Azad Suriya Ordusu tərəfindən Afrin şəhər mərkəzi nəzarətə alınıb. Hazırda mina, kustar üsulla hazırlanan partlayıcı maddələrin müəyyən edilməsi və zərərsizləşdirilməsi fəaliyyəti aparılır. Şəhidlərimizin ruhu şad olsun”.

TSQ Afrin şəhər mərkəzindən video görüntülər də paylaşıb.

“Bu qələbə Türk Silahlı Qüvvələrinin 18 Mart Şəhidlər Günündə Türk millətinə və bütün şəhidlərimizə ərmağanıdır”, - deyə, video görüntüdə şəhər mərkəzində yerləşən hökumət binasında bayraq qaldıran türk əsgəri bəyan edib.