Nazirlərin görüşünə hazırlıq gedir – Leyla Abdullayeva

Dağlıq Qarabağ münaqişəsinin həllinə dair növbəti görüş gündəmdədir.

Axar.az xəbər verir ki, bunu XİN-nin sözçüsü Leyla Abdullayeva bu gün keçirilən mətbuat konfransında deyib.

O bildirib ki, Azərbaycan münaqişənin nəticələrini aradan qaldıracaq bütün məqsədyönlü görüşlərin keçirilməsinin tərəfdarıdır və buna hazırdır:

“Həmsədrlərlə də bu məsələ müzakirə olundu. Hələlik görüşün tarixi və yeri dəqiq məlum deyil. Bu barədə qərar verildikdən sonra ictimaiyyəti məlumatlandıracağıq”.