Münaqişənin həlli ilə bağlı bir sıra formullar var - Belarus səfiri

"Tez bir zamanda sülh danışıqlarına əməl edilməsi lazımdır. BMT Təhlükəsizlik Şurasının Qətnamələri var. Bu qətnamələrdə hər bir fakt açıq göstərilib. Düşünürəm ki, ərazi bütövlüyü çərçivəsində münaqişə öz həllini tapar”.

Teleqraf.com-un Gəncə bürosu xəbər verir ki, bunu Gəncədə səfərdə olan Belarusun Azərbaycandakı səfiri Gennadi Axramoviç jurnalistlərə açıqlamasında deyib.

Səfir bildirib ki, münaqişənin həlli ilə bağlı bir sıra formullar var:

"Mən Kazan formulunu göstərə bilərəm. Başqa bir yanaşmada başqa bir formul da işlənib hazırlana bilər. Ancaq bu gün əsas məsələ atəşkəsin əldə olunmasıdır. Günahsız insanların öldürülməsinin qarşısı alınmalıdır".