Vətən müharibəsinin 5 medallı giziri: Şəhid Səid Həsənov dəfn edildi

Ermənistan silahlı qüvvələrinin sentyabrın 12-i gecə saatlarında sərhəddə törətdiyi təxribatlar nəticəsində XTQ-nin giziri Səid Həsənov şəhidlik zirvəsinə yüksəlib.

Teleqraf.com xəbər verir ki, Səid Həsənov Cəlilabad rayonun Əsədli kəndində anadan olub.

Səid Həsənov bu gün doğulduğu Cəlilabad rayonunun Əsədli kəndində dəfn edilib. Mərasimdə şəhidin yaxınları ilə yanaşı, rəsmi şəxslər, ictimaiyyət nümayəndələri, hərbçi yoldaşları iştirak ediblər.

Qeyd edək ki, 44 günlük Vətən müharibəsində böyük şücaət göstərən S.Həsənov sağlığında "Döyüşdə fərqlənməyə görə", "İgidliyə görə", "Şuşanın azad olunmasına görə", "Füzulinin azad olunmasına görə" və "Cəbrayılın azad olunmasına görə" medallarına layiq görülüb.