Aİ səfiri “Tərtər işi” məhbuslarına bəraət verilməsini alqışladı

““Tərtər işi” üzrə bir sıra şəxslərin bəraət alması və azadlığa buraxılması müsbət haldır”.

Teleqraf.com xəbər verir ki, bunu Avropa İttifaqının (Aİ) Azərbaycandakı səfiri Peter Mixalko tviter səhifəsində paylaşıb.

“Bu iş üzrə yeni istintaq cəzasızlıqla mübarizədə nəzərəçarpacaq nəticələr verə bilər”,-deyə səfir vurğulayıb.

Qeyd edək ki, bu gün Baş Prokurorluq "Tərtər işi" üzrə barələrində həbs qətimkan tədbiri ləğv olunan 19 nəfərin azadlığa buraxılması barədə məlumat yayıb.