Prezidentin köməkçisi Türkiyənin milli müdafiə naziri ilə görüşdü

Azərbaycan Prezidentinin köməkçisi Xalid Əhədov Türkiyədə səfərdədir.

Teleqraf.com xəbər verir ki, bu barədə Türkiyənin Milli Müdafiə Nazirliyindən məlumat verilib.

Xalid Əhədov Türkiyənin milli müdafiə naziri Yaşar Gülərlə görüşüb. Tərəflər müdafiə sahəsindəki ikitərəfli əməkdaşlığı müzakirə ediblər.

Yaşar Gülər qeyd edib ki, Türkiyə müdafiə sahəsindəki təcrübəsini bundan sonra da Azərbaycanla bölüşməyə davam edəcək: “Bütün enerjimizi əlaqələrimizi gücləndirməyə sərf edirik. Bundan sonra azərbaycanlı qardaşlarımızın yanında olmağa davam edəcəyik. Hər zaman Can Azərbaycanın yanındayıq”.