İsraildə həlak olan Azərbaycan vətəndaşlarının sayı açıqlandı

HƏMAS-ın İsrailə hücumu nəticəsində 3 Azərbaycan vətəndaşı həlak olub, 1 nəfər isə itkin düşüb.

Teleqraf.com xəbər verir ki, bu barədə İsrail KİV-ləri məlumat yayıb.

Məlumatda HƏMAS-İsrail müharibəsi nəticəsində həlak olan və itkin düşən əcnəbilərin siyahısı da əks olunub. Siyahıya əsasən, ümumilikdə, müharibə nəticəsində 218 nəfər xarici ölkə vətəndaşı həlak olub, 78 nəfər itkin düşüb.

Qeyd edək ki, Azərbaycan Xarici İşlər Nazirliyinin məlumatına görə, həlak olan azərbaycanəsilli şəxslərin sayı 8 nəfərdir.

Həmin 8 nəfərin adlarını təqdim edirik:

Şamil Abbasov (İsrail vətəndaşı)

Emin Axundov (İkili vətəndaş)

İlkin Nəzərov (İkili vətəndaş)

Lior Əzizov (İsrail vətəndaşı)

Roman Gandel (İsrail vətəndaşı)

Eden Abdullayev (İsrail vətəndaşı)

Emil Samuyelov (İsrail vətəndaşı)

Jiar Davidov (İsrail vətəndaşı)