Ayağını tərs tikdilər - FOTO

Türkiyədə Səlcuq Universitetinin Tibb Fakültəsinin həkimləri avtoqəza nəticəsində ayağından ciddi zədə alan Fevzi Aktaş adlı şəxsin ayağını tərs tikməli olublar.

Teleqraf.com “Milliyət”ə istinadən xəbər verir ki, sol ayağının tamamilə kəsiləcəyi dəqiqləşən Aktaşın protezi daha yaxşı istifadə edə bilməsi üçün bud hissədən kəsilərək ayağının tərsinə tikilməsinə qərar verilib.

Əməliyyatdan sonra sağlamlığına qovuşan Fevzi Aktaş ayağının hamısını itirməkdənsə, bu vəziyyətdə protezlə daha rahat yaşayacağına ümid edir.