Yevlaxda zəncirvari qəza: Ölən və yaralananlar var

Mingəçevir-Bəhrəmtəpə yolunda, Yevlax rayonu ərazisində zəncirvari qəza baş verib.

Report-un məlumatına görə, hadisə zamanı iki “Vaz 2106” və bir “Vaz 2107” markalı avtomobil toqquşub.

Hadisə nəticəsində “Vaz 2106”da olan Mingəçevir şəhər sakini, 1953-cü il təvəllüdlü Yusifova Qızpəri Dostməmməd qızı dünyasını dəyişib.

Hadisə nəticəsində beş nəfər yaralanıb ki, onların da bir neçəsi eyni ailənin üzvləridir. Yaralanan şəxslər bunlardır:

İsmayılov Rasim Həmid oğlu, 1965-ci il təvəllüdlü, Yevlax rayon sakini;
İsmayılzadə Əli Tanrıverdi oğlu, 2012-ci il təvəllüdlü, Yevlax rayon sakini;
İsmayılzadə Banu Əli qızı, 2017-ci il təvəllüdlü, Yevlax rayon sakini;
Abbasova Təranə Rəfail qızı, 1993-cü il təvəllüdlü, Yevlax rayon sakini;
Yusibova Ülviyyə Zeynəddin qızı, 1956-ci il təvəllüdlü, Mingəçevir şəhər sakini;

Yaralılar Mingəçevir Şəhər Xəstəxanasına aparılıb.