Zavodda partlayış: 44 nəfər yandı

Misirin İsgəndəriyyə şəhəri yaxınlığında neft-kimya zavodunda yanğın baş verib. Nəticədə 44 nəfər xəsarət alıb.

Teleqraf.com türk mediasına istinadla xəbər verir ki, Misir Səhiyyə Nazirliyi İsgəndəriyyə-Qahirə arasında qazla dolu yük avtomobilinin partlaması nəticəsində neft-kimya zavoduna aid bir obyektdə yanğın baş verdiyini açıqlayıb.

Xəbərə görə, yanıq xəsarəti alan 44 nəfərdən 6-sinin bədəninin 60 faizi yanıb və onların həyatları üçün ciddi təhlükə mövcuddur.