Elitar Gimnaziyada 9 yaşlı uşaqdan oğurluq etdilər

Bakının Nəsimi rayonunda idman zallarından birində oğurluq olub.

Teleqraf.com xəbər verir ki, Ü.Hacıbəyov küçəsində yerləşən İlyas Əfəndiyev adına Elitar Gimnaziyanın İdman zalının soyunma otağında paytaxt sakini, 2008-ci il təvəllüdlü Rəsul İmanova məxsus “İphone-7” markalı mobil telefonu oğurlanıb.

Rəsul İmanovun mobil telefonunun oğurlanması ilə bağlı 22-ci polis bölməsinə müraciət edib. Araşdırma zamanı mühafizə polisinin müşahidə kamerasına baxış keçirilib.

Məlum olub ki, Rəsul İmanovun mobil telefonunu Lənkəran şəhər sakini, 1987-ci il təvəllüdlü Ruslan Əliyev oğurlayıb.

O, Suraxanı rayonunda saxlanılıb.