Putin və Ərdoğan arasında şok razılaşma – 8 ay...

Rusiya S-400 hava hücumundan müdafiə sistemlərini Türkiyəyə 8 ay tez çatdıracaq.

Teleqraf.com xəbər verir ki, bununla bağlı Türkiyə Müdafiə Sənayesi Nazirliyinin nümayəndəsi “Kommersant”a məlumat verib.

O bildirib ki, S-400-lərin göndərilməsi 2019-cu ilin iyulunda başlanacaq:

“İlk olaraq, sistemlərin 2020-ci ilin martında çatdırılması razılaşdırılmışdı. Ancaq Rusiya və Türkiyə prezidentlərinin Ankaradakı görüşü zamanı tarix dəyişdirilib. S-400-lərin çatdırılması liderlər arasında görüşün prioriteti olub”.

Qeyd edək ki, Türkiyə və Rusiya arasında S-400 sistemləri ilə bağlı saziş 2017-ci ilin iyulunda bağlanıb. Sazişə əsasən, Ankara sistemlərə görə Moskvaya 2,5 milyard dollar ödəməlidir.