İndoneziya zəlzələsində ölənlərin sayı 142 nəfərə çatdı - Video

İndoneziyanın şərqindəki Lombok adasında baş verən zəlzələ nəticəsində ölənlərin sayı 142 nəfərə çatıb.

“Report” “Haber7”yə istinadən xəbər verir ki, təbii fəlakət nəticəsində 300-dən çox insan yaralanıb.

Qeyd edəki ki, avqustun 5-də İndoneziyanın Lombok adasında 7 maqnituda gücündə zəlzələ olub.

Yeraltı təkanların episentri Mataram şəhərindən şimal-şərqdə yerləşib. Zəlzələnin ocağı yerin 10 km dərinliyində qeydə alınıb. Sunami təhlükəsi elan olunub.