Mitinq müzakirələri nəticəsiz başa çatıb

Müsavat Partiyasının başqanı İsa Qəmbərin təşəbbüsü ilə bir araya gələn 14 siyasi partiya öz aralarında apardığı müzakirələr zamanı ciddi bir nəticə əldə edə bilməyiblər.

Teleqraf.com xəbər verir ki, ötən həftə KXCP-nin qərargahında baş tutan tədbir zamanı məhz İsa Qəmbər təklif etmişdi ki, mitinq məsələsi müzakirə olunsun, sentyabr ayında belə bir tədbirin keçirilməsi məqsədilə qərar verilsin. Artıq bu təklifin səslənməsinin üzərindən bir həftə keçir.

Apardığımız araşdırma zamanı isə bəlli olub ki, mitinq mövzusunda, ümumiyyətlə, müzakirə aparılmır. Yalnız həftədə bir dəfə keçirilən toplantıda bu haqda istənilən siyasətçi fikrini bildirə bilər. Ancaq bu o demək deyil ki, aksiya keçirmək haqda qərar əldə olunub.