23 Fevral 2019 12:23
612
12 Punto 14 Punto 16 Punto 18 Punto

Bakının Xətai rayonunda oğurluq hadisəsi baş verib.

Teleqraf.com xəbər verir ki, fevralın 22-də, gecə saat 1 radələrində Xətai rayonu ərazisindən Bakı şəhər sakini A.Aslanova məxsus “Lexus” markalı avtomobil qaçırılıb.

Keçirilmiş əməliyyat tədbirləri nəticəsində avtomobilin paytaxt sakinləri N.İldarzadə və E.Nəcəfov tərəfindən qaçırılması və rayon ərazisində idarə edilərkən səkiyə vurması müəyyən edilib.

Bakı şəhər Dövlət Yol Polisi İdarəsinin əməkdaşları tərəfindən görülmüş tədbirlərlə həmin şəxslər saxlanılaraq Xətai rayon Polis İdarəsinin 36-cı polis bölməsinə təhvil veriliblər.

Faktla bağlı cinayət işi başlanıb.


Müəllif: Hacı Zeynalov