Sərxoş kişi qonşusunun evinə basqın etdi – Sabirabadda

Sabirabad rayonunda yaşayış evlərindən birinə basqın edilib.

Teleqraf.com xəbər verir ki, rayon ərazisindəki evlərin birinə girmiş şəxs ev sahibəsini bıçaqla hədələyib, qızıl əşyalar verməsini tələb edib.

Lakin səs-küy yarandığından istədiyinə nail ola bilməyib, evi tərk edib.

Sabirabad rayon polis şöbəsi əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən qonşu Rüfət Kərimov saxlanılıb.

O, hadisə zamanı sərxoş olub.

Faktla əlaqədar cinayət işi başlanıb.