Abşeron sakini həmyerlisini bıçaqladı

Abşeron rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun Saray qəsəbəsi ərazisində qeydə alınıb.

Qəsəbə sakini İ.İsmayılov münaqişə zəminində həmyerlisi, əvvəllər məhkum olunmuş A.Hüseynzadəyə bıçaqla xəsarət yetirib. Yaralı xəstəxanaya yerləşdirilib, ona tibbi yardım göstərilib.

Abşeron rayon Polis İdarəsi əməkdaşlarının keçirdikləri əməliyyat tədbirləri nəticəsində İ.İsmayılov saxlanılıb.

Faktla bağlı cinayət işi başlanıb.