24 Fevral 2020 13:17
392
12 Punto 14 Punto 16 Punto 18 Punto

Daxili İşlər Nazirliyi Lerik və Gədəbəydə baş verən yol-nəqliyyat hadisələri barədə məlumat yayıb.

Teleqraf.com xəbər verir ki, fevralın 22-də saat 8 radələrində Lerik rayonunun Orand kəndi ərazisində kənd sakini M.Rəhimov idarə etdiyi “UAZ” markalı avtomobili yolun kənarındakı maneəyə vuraraq dərəyə aşırıb.

Nəticədə sürücü və sərnişinləri xəstəxanaya yerləşdiriliblər.

Sərnişinlərdən Xəqani Rəhimov və 1 yaşlı oğlu Hüseyn orada ölüb.

Bundan başqa, fevralın 22-də saat 17 radələrində Gədəbəy rayonunun Gər-Gər kəndi ərazisində kənd sakini Taleh Rəsulovun idarə etdiyi “VAZ-21015” və Arıqdam kənd sakini A.Qarayevin idarə etdiyi “KamAZ” markalı avtomobillər toqquşub.

Nəticədə xəstəxanaya yerləşdirilmiş T.Rəsulov orada ölüb.

Hər iki faktla bağlı araşdırma aparılır.


Müəllif: Hacı Zeynalov