Qubada bədbəxt hadisə ölümlə nəticələndi

Quba rayonunda bədbəxt hadisə baş verib.

Teleqraf.com-un məlumatına görə, hadisə aprelin 4-də rayonun Qımıl kəndində qeydə alınıb. Kənd sakini, 2002-ci il təvəllüdlü Musayev Bəşir Çərkəz oğlu həyətdə ocaq qalayarkən üstünə yanacaq düşərək yanıb. O, dərhal Qusarda yerləşən özəl tibb müəssisəsinə, oradan isə Bakıya aparılıb. Həkimlərin səyinə baxmayaraq, ağır yanıq xəsarətləri alan şəxsi xilas etmək mümkün olmayıb.

Faktla bağlı araşdırmalar davam etdirilir.