Cəlilabadda dəhşətli qəza: 1 ölü, 1 yaralı

Cəlilabad rayonunda ölümlə nəticələnən yol-nəqliyyat hadisəsi baş verib.

Teleqraf.com-un xəbərinə görə, rayonun Maşlıq kəndinin ərazisində Mahir Nəzərov özünə məxsus “Mercedes” markalı avtomobillə hərəkətdə olarkən idarəetməni itirib və yolun kənarındakı ağaca çırpılıb.

Hadisə nəticəsində sərnişinlər Səbuhi Ələmov və 2002-ci il təvəllüdlü Tural Kərimov müxtəlif bədən xəsarətləri ilə Cəlilabad rayon Diaqnostika Mərkəzinə çatdırılıblar.

Tural Kərimov xəstəxanada ölüb.

Faktla bağlı araşdırma aparılır.