Rusiyada azərbaycanlı tələbəni öldürən şəxs tutuldu - Video

Bir neçə gün əvvəl Rusiyanın Volqoqrad şəhərində Azərbaycandan olan tələbə Timur Qavrilovu qətlə yetirmiş Vitali Vasilyev Smolenskdə saxlanılıb.

Teleqraf.com xəbər verir ki, bu barədə Rusiya İstintaq Komitəsinin Volqoqrad vilayəti üzrə Təhqiqat İdarəsi məlumat yayıb. Qətldə şübhəli bilinən 22 yaşlı Volqoqrad sakini federal axtarışa verilmişdi. V.Vasilyevin Smolenskdən Volqoqrada gətirilməsi üçün tədbirlər görülür.

Xatırladaq ki, Volqoqrad Tibb Universitetinin birinci kurs tələbəsi, Gəncə şəhərindən olan 17 yaşlı Timur Qavrilov iyunun 12-də axşam saatlarında yataqxanaya qayıdarkən qətlə yetirilib. Vilayətin qubernatoru Andrey Boçarov qatil haqqında məlumat verən şəxsə 1 milyon rubl məbləğində mükafat vəd etmişdi.

Timur Qavrilovun nəşi Gəncəyə gətirilərək dəfn olunub.