Azərbaycanın iki bölgəsində zəlzələ baş verdi

Xəzər dənizində zəlzələ olub.

Teleqraf.com xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəz məlumat yayıb.

Təkanlar yerli vaxtla saat 05:26-da Qala stansiyasından 28 km şərqdə, Xəzər dənizində qeydə alınıb. Maqnitudası 3.1 olan təkanlar 62 km dərinlikdə baş verib.

Həmçinin yerli vaxtla saat 05:18-də Mingəçevir stansiyasından 21 km şimal-qərbdə, Mingəçevir rayonunda zəlzələ qeydə alınıb. Maqnitudası 3, dərinliyi isə 14 km olan zəlzələ hiss olunmayıb.