Qaradağda dəhşətli qəzalar – Ölən və yaralılar var

Mayın 24-də Qaradağ rayonunun Lökbatan qəsəbəsi ərazisində yol qəzası olub.

Teleqraf.com xəbər verir ki, Elşad Vahidov idarə etdiyi “Renault” markalı avtomobili səkiyə vurub.

Nəticədə sürücü aldığı xəsarətlərdən hadisə yerində ölüb, sərnişini xəstəxanaya yerləşdirilib.

Bundan başqa, həmin gün Qaradağ rayonunun Səngəçal qəsəbəsi ərazisində B.Səfərəliyev idarə etdiyi “Daimler Chrysler” markalı avtomobili Taleh Muradovun yolun kənarında saxladığı “VAZ-2107” markalı avtomobilə vurub.

Nəticədə T.Muradov aldığı xəsarətlərdən hadisə yerində ölüb.

Qaradağ rayonunun Səngəçal qəsəbəsi ərazisində Ş.Mehdiyev idarə etdiyi “Daewoo” markalı avtomobillə velosiped sürən qəsəbə sakini Aydın Tarverdiyevi vurub.

Xəsarətlə xəstəxanaya yerləşdirilmiş A.Tarverdiyev bir gün sonra orada ölüb.

Hər üç faktla bağlı araşdırma aparılır.