DİN-dən üç nəfərin öldüyü qəza ilə bağlı – Açıqlama

Daxili İşlər Nazirliyi ötən gün baş verən dəhşətli yol qəzası ilə bağlı məlumat yayıb.

Teleqraf.com xəbər verir ki, mayın 24-də saat 16 radələrində Xəzər rayonunun Binə qəsəbəsi ərazisində F.Əhmədov idarə etdiyi “Feldbinder” markalı qoşqulu yük avtomobilini qarşıda dayanmış S.Məhərovun idarə etdiyi “Mercedes Vito” markalı avtomobilə vurub.

Nəticədə S.Məhərovun 3 sərnişini hadisə yerində ölüb, özü və 5 sərnişini xəstəxanaya yerləşdiriliblər.

Onlardan ikisinə ilkin tibbi yardım göstərildikdən sonra buraxılıb, digərlərinin vəziyyətləri orta-ağırdır.

Faktla bağlı Xəzər rayon Polis İdarəsində araşdırma aparılır.