Bakıda 16 yaşlı oğlana qarşı – Cinayət

Bakının Nəsimi rayonunda quldurluq hadisəsi baş verib.

Teleqraf.com xəbər verir ki, hadisə rayonun Cavadxan küçəsində qeydə alınıb.

Həmin ünvanda naməlum şəxs Bakı şəhər sakini, 16 yaşlı R.Musayevin qol və qarın nahiyələrinə vintaçan və şüşə parçası ilə xəsarət yetirib və ondan pul verməsini tələb edib.

Baş verən quldurluq hadisəsi barədə Nəsimi rayon Polis İdarəsinin 19-cu polis şöbəsinə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində quldurluq əməlini törətməkdə şübhəli bilinən Abşeron rayon sakini A.Əlimərdanov müəyyən edilərək saxlanılıb.

Faktla bağlı Nəsimi rayon Polis İdarəsində araşdırma aparılır.