Almaniyada qatarlar toqquşdu - 1 ölü, 30 yaralı

Almaniyanın Münhen ərazisində iki elektrik qatarı toqquşub, bir nəfər ölüb, 30-a yaxın insan xəsarət alıb.

Teleqraf.com-un məlumatına görə, bu barədə "Bayerischer Rundfunk" xəbər verib.

Yerli polisin verdiyi məlumatına əsasən, hadisə Ebenhauzen şəhərində saat 16:40 radələrində baş verib. Hadisə barədə məlumat verildikdən sonra hadisə yerinə 200-ə yaxın polis əməkdaşı gəlib, helikopter cəlb olunub.

Hadisədən sonra dəmir yolu xətti bağlanıb, xilasetmə işlərinin gecə saatlarına qədər davam edəcəyi gözlənilir.