Dəmir yolundan oğurluq edən şəxs tutuldu

Dəmir yolundan oğurluq edən şəxs Sumqayıtda saxlanılıb.

Teleqraf.com xəbər verir ki, bu barədə Daxili İşlər Nazirliyinin mətbuat xidmətinin Quba regional qrupundan bildirilib.

Dəmir Yolu Nəqliyyatında Polis İdarəsinin Xaçmaz Xətt polis şöbəsinin baş Sumqayıt xətt polis bölməsinin əməkdaşları keçirilən əməliyyat-axtarış tədbirləri zamanı dəmir yolundan oğurluq etməkdə şübhəli bilinən Şərur rayon sakini Rahim Vəliyevi saxlayıblar.

Araşdırmalar zamanı məlum olub ki, həmin şəxs dəmir yolunun Baş Sumqayıt-Güzdək mənzilinin 23-cü kilometrliyindən işlək vəziyyətdə olan rabitə naqilini kəsərək oğurlayıb və satıb.

Faktla bağlı Xaçmaz xətt polis şöbəsinin istintaq qrupunda cinayət işi başlanılıb.