İstanbulda avtobus aşdı: Çox sayda yaralı var

Eyüpsultanda İstanbul hava limanında çalışan personalı daşıyan servis avtobusunun aşması nəticəsində 29 nəfər yaralanıb.

Teleqraf.com xəbər verir ki, hadisə yerində zərərçəkənlərə ilkin tibbi yardım göstərilib, yaralılar təcili tibbi yardım maşınları ilə xəstəxanaya aparılıblar.

Qəza axşam saatlarında Ağaçlı məhəlləsi, Ağaçlı kəndi yolu üzərində meydana gəlib. Avtobus sürücünün idarəetməni itirməsi nəticəsində altı metr hündürlükdən dərəyə yuvarlanıb.

Hadisənin səbəbləri araşdırılır.