Kürdəmirdə qəza - Ölən və yaralananlar var

Bakı-Qazax əsas magistral yolunun Kürdəmir rayonundan keçən hissəsində ölümlə nəticələnən avto qəza olub.

Teleqraf.com xəbər verir ki, "Mercedes" markalı minik avtomobili Bakı istiqamətində hərəkətdə olarkən qarşısındakı eyni markalı yük maşınına çırpılıb.

Minik avtomobilində olan 61 yaşlı Əliyev Cavid Tahir oğlu, bir yaşlı qız və daha bir sərnişin ağır bədən xəsarətləri alıblar.

Həkimlərin səyinə baxmayaraq, körpə xəstəxanada dünyasını dəyişib.