Ələt-Astara yolunda qəza - Yaralılar var

Ələt-Astara avtomobil yolunda qəza olub, yaralananlar var.

Teleqraf.com xəbər verir ki, hadisə yolun 105-ci km-də qeydə alınıb.

Belə ki, "Nissan" markalı minik avtomobili maneəyə çırpılıb.

Hadisə yerinə Cəlilabad Rayon Mərkəzi Xəstəxanasının təcili tibbi yardım avtomobilləri cəlb olunub. Yaralanan 4 nəfər xəstəxanaya aparılıb.

Hadisə nəticəsində 1998-ci il təvəllüdlü Etibar Əliyev, 2016-ci il təvəllüdlü Sadiq Əsgərli, 2008-ci il təvəllüdlü Yusif Ağayev və 1983-cü il təvəllüdlü Mətanət Əsgərova xəsarət alıb.

Faktla bağlı araşdırma aparılır.